Compartimos información sobre a formación «Comprendendo e acompañando a adolescencia», unha actividade dirixida a familias con rapazada de 5º de Primaria a 4º da ESO de centros educativos públicos.
A sesión ofrecerá ferramentas para comprender mellor os cambios propios desta etapa, acompañar a rapazada desde o respecto e afrontar os retos do día a día con máis recursos.
Información da actividade
- Data: sábado, 14 de novembro de 2026.
- Horario: de 09:30 a 13:30 h.
- Lugar: Centro Ágora, aula 9. R/ Lugar da Gramela, 17, A Coruña.
- Destinatarios: familias con rapazada de 5º de Primaria a 4º da ESO.
Contidos da formación
Abordaranse os cambios físicos e neurolóxicos da adolescencia, as necesidades desta etapa, a importancia do vínculo familiar, o desenvolvemento da autonomía e as ferramentas para acompañar desde o respecto.
A formación estará impartida por Jacobo Mosquera Martínez, educador social, e Lorena Cotelo Cobelo, terapeuta ocupacional pediátrica.
Inscricións: a través do código QR que aparece no cartel informativo.
Esta actividade está promovida pola Federación Provincial de ANPAs de Centros Públicos da Coruña e o Concello da Coruña.
Desde a ANPA Tarrío compartimos esta información por se resulta de interese para as familias do centro.