O Concello de Culleredo, a través da Área de Cultura, Educación, Deportes e Participación Cidadá, pon en marcha un ano máis o Campamento de Nadal, unha iniciativa pensada para facilitar á veciñanza a conciliación da vida familiar e laboral durante o período non lectivo destas datas.
A quen vai dirixido?
O campamento está pensado para nenas e nenos entre 3 e 12 anos, matriculados en Educación Infantil e Primaria.
Datas e lugar de realización
As actividades desenvolveranse no CEIP P. Vila de Rutis durante os seguintes días:
-
Decembro 2025: 22, 23, 24, 26, 29, 30 e 31
-
Xaneiro 2026: 2, 5 e 7
En total, 10 días de campamento, cheos de propostas lúdicas e educativas baixo o título “A misión da Garda do Nadal”.
Proceso de solicitude
O prazo para solicitar praza abrirase o luns 24 de novembro.
A inscrición realizarase, como en anos anteriores, a través dun formulario en liña.
Podedes acceder a toda a información detallada do campamento e ao formulario de inscrición na seguinte ligazón:
👉 CAMPAMENTO DE NADAL: A MISIÓN DA GARDA DO NADAL
Ademais, o Concello achega tamén o cartel e o folleto informativo, que poñemos á vosa disposición para que poidades consultar os datos básicos do programa.