O área de Cultura, Educación, Deportes e Participación Cidadá de Culleredo fíxonos chegar a seguinte información sobre o Campamento de Primavera, organizado para facilitar a conciliación da vida familiar e laboral durante o período non lectivo da Semana Santa.
Este campamento está dirixido a nenos e nenas de entre 3 e 12 anos, matriculados en Educación Infantil e Primaria, e celebrarase os días 14, 15, 16 e 21 de abril de 2025.
O proceso de solicitude de praza comezou o luns 17 de marzo, a través dun formulario en liña. Podedes consultar toda a información e acceder ao formulario no seguinte enlace:
CAMPAMENTO DE PRIMAVERA: O MISTERIO DA CHAVE PERDIDA
Para calquera información adicional, podedes contactar cos organizadores a través das canles habituais. Non deixedes pasar a oportunidade!